E-mail : desa_tamblang@ymail.com

Ni Bawang Teken Ni Kesuna

Ada tuturan satua anak makurenan, ngelah kone pianak luh duang diri. Pianakne ane kelihan madan Ni Bawang muah ane cerikan madan Ni Kesuna.

Solah Ni Bawange ajaka Ni Kesuna matungkasan pesan, tan bina cara yeh mesanding teken apine.

Baan duwegne Ni Kesuna ngae pisuna, ento makrana memene setata ngugu pisadun Ni Kesunane ane ngorahang Ni Bawang ngumbang di tukade ngenemin anak truna.

Dugase ento sujatinne Ni Bawang suud nglesung padi laut kayeh sambilanga ngaba jun lakar ngalih yeh.

Krana ngugu munyin Ni Kesunane, ditu Ni Bawang lantas tigtiga, siama aji yeh anget tur tundena magedi.

Ni Bawang di subane ngutang umah, neked di tukade ketemu ajak kedis crukcuk kuning. Ditu Kedis Crukcuk Kuninge kapiolasan. Ni Bawang gotola, baange emas-emasan, marupa pupuk, subeng, kalung, bungkung, gelang muah kain sutra.

Sesukat Ni Bawang ngelah panganggo ane melah buka keto, ia nongos di umah dadongne.

Kacrita Ni Kesuna kone nepukin embokne mapanganggo melah-melah, laut ia nakonang uli dija maan panganggo buka keto.

Disubane oraina teken Ni Bawang, ditu Ni Kesuna metu kenehne ane kliwat loba. Ia ngorahin memene nigtig ukudane apang kanti babak belur.

Sesubanne katigtig, lantas ia ngeling sengu-sengu ka tukade ketemu teken kedis crukcuk kuninge.

Kacrita I Crukcuk Kuning ngotol ukudan Ni Kesunane, isinina gumatat-gumitit.

Neked jumah, ditu lantas gumatat-gumitite ento mencanen Ni Kesuna kanti ngemasin mati.

Keto upah anake ane mrekak, setata demen misunaang timpal, sinah muponin pala karma tan rahayu.

1 comment:

  1. Pengen yang lebih seru ...
    Ayo kunjungi www.asianbet77.com
    Buktikan sendiri ..

    Real Play = Real Money

    - Bonus Promo Red Card pertandingan manapun .
    - Bonus Mixparlay .
    - Bonus Tangkasnet setiap hari .
    - New Produk Sabung Ayam ( minimal bet sangat ringan ) .
    - Referal 5 + 1 % ( seumur hidup ) .
    - Cash Back up to 10 % .
    - Bonus Royalty Rewards setiap bulan .

    untuk Informasi lebih jelasnya silahkan hubungi CS kami :
    - YM : op1_asianbet77@yahoo.com
    - EMAIL : asianbet77@yahoo.com
    - WHATSAPP : +63 905 213 7234
    - WECHAT : asianbet_77
    - SMS CENTER : +63 905 209 8162
    - PIN BB : 2B4BB06A / 28339A41

    Salam Admin ,
    http://asianbet77.com/

    ReplyDelete